中大代表會只有八人?蒙混過關修改會章?


早前代表會與幹事會之紛爭我不欲介入,但今天收到一個關於代表會修改會章的電郵 (附於文末),僅想指出當中提及的數個問題:
(如代表會認為下文並非屬實,煩請告知及指正)

1. 12/03 全民投票修改會章,但代表會在 11/03 才第一次商討此問題
2. 代表會商討此問題時,僅有八人出席 (全會為四十八人)
3. 全民投票前,章則委員會並未開會討論此會章修訂案
4. 代表會將原有七十條會章廢除,重立九十條新法,但沒有向同學解釋原因及廣泛徵詢意見

為了有足夠投票率及方便宣傳,大小學會在每年幹事會選舉時同時修訂會章是可以理解的。但是代表會為了趕及在幹會事選舉時「廢舊例、立新法」而匆匆修改會章,意圖蒙混過關,此行徑則令人失望。

我更想指出的是,如果這次的修改會章亦獲得通過,將是非常殘酷地顯露同學對學生會事務的漠不關心,是全體香港中文大學學生的悲哀。

Update@15/03/2007:方潤仔細比較新舊會章 – Daily Fongyun 15/03/2007
這些比對解釋工作代表會不做,竟然要關注此事師兄自己做,情況就如市建局不將數百頁的英文規劃文件翻譯給街坊,要市民自行組織義工翻譯一樣,真可悲。

電郵原文:

請各位中大同學係中大學生會全民投票反對修改會章!!!

大家知唔知最近中大學生會又攪全民投票? 唔知唔緊要,我地都係3月12日 5:35am 先收到代表會主席既Massmail,話要係12:00投票修改學生會會章。 乜話!!!!??? 之前唔係話全民投票投三莊既咩?

一Click 入去,點睇呀!? 今次唔係修改幾條會章咁簡單,係成份會章整過,由70條變成90條! 代表會修成份會章連諮詢同學都無? 又唔解釋你點解要改! 又唔話我地知你改左咩野!?

問番知情人士,原來件事非常恐佈︰
1. 3月12日修章全民投票,但代表會係3月11日先第一次傾呢份會章,仲傾左一陣就過!
2. 傾果晚原來得8 個代表出席,咁點解8個人會開到代表會呢?(代表會全體人數為48人),原來代表會主席話無出席既人係暫時離職
3. 原來代表會負責修章既章則委員會今年全年都無開過會,成份會章係代表會主席自己話自己係章則委員會而做出來

咁仲慘過特區政府二十三條立法,佢地都肯叫做出份諮詢文件俾你睇。我地就乜都唔知!咁修章法分分中我地俾人加左會費都唔知啦。

仲有,原來今年既代表會主席上年又係負責修章投票,但竟然因為打錯字而修改左一條根本唔存在既章,最後不了了之。佢地上年修一條章都修錯,今年修全份會章,大家都係睇清楚先好投票!

請廣傳予中大同學


發表迴響

你的電子郵件位址並不會被公開。 必要欄位標記為 *

這個網站採用 Akismet 服務減少垃圾留言。進一步瞭解 Akismet 如何處理網站訪客的留言資料